Vossabia vinn nasjonal pris!

– Eg er overvelda, rørt og veldig stolt. Det er fantastiske bedriftar som er finalistar til denne prisen, og eg ser på alle som verdige vinnarar. Det er veldig spanande å få ein slik anerkjenning når ein driv med ukonvensjonell næring i distriktet, seier ein rørt leiar av Vossabia, Renate Lunde, etter at tildelinga er eit faktum.

Vinnarbedrifta frå Voss i Vestland fylke lagar hud- og hårpleieprodukt basert på dei lokale og økologiske råvarane ho har tilgjengeleg på garden. Dette er for eksempel honning, bivoks og ville urter. Det andre kallar ugras ser Renate på som moglege ingredienser.

Renate Lunde og Vossabia vinn den nasjonale prisen foran dei to øvrige finalistane: Hørte gård frå Buskerud og Til Elise Fra Marius frå Nordland.

Prisen vart delt ut i samband med International Grüne Woche som arrangerast i Berlin denne veka, og vart overrekt til prisvinnaren av landbruks- og matminister Geir Pollestad, som delte ut prisen på vegne av Innovasjon Noreg.

– Dette viser at det er mulig å skape store verdier av gårdens ressurser, gjennom en litt utradisjonell form for jordbruk. Det vil vi gjerne se mer av, sier landbruks- og matminister Geir Pollestad om prisvinneren.

Innovasjon Noreg-direktør Håkon Haugli er full av lovord om bedrifta som til slutt stakk av med sigeren framfor sine konkurrentar.

– Denne prisen er verkeleg fullt fortjent, seier Haugli.

– Renate Lunde har gjort ein fantastisk jobb med Vossabia, og ho har vist kva som er mogleg om ein tenkjer kreativt. Produksjon av hud- og hårpleieprodukt er nok ikkje det første ein tenkjer på når ein ser for seg ein gard på vestlandet, men her har har det vore ei ekte vinnaroppskrift, meiner han.

– Renate og Vossabia gjer noko som vi håpar er til inspirasjon for andre. Å nytte dei ressursane som ein har tilgjengeleg er rett og slett "god business", avsluttar Haugli.

Gjennom god marknadsføring og ei rekkje spanande produkter har Renate Lunde og Vossabia nådd ut til fantastiske 100 000 kundar og 120 forhandlarar i heile landet. Bedrifta har med det opplevd ei utruleg imponerande vekst med sunn økonomi og resultat.

– Vi er i stadig vekst og har no ein søknad inne for å få realisert nytt bedriftsbygg som vil kunne løfta bedrifta vidare, seier den ferske prisvinnaren.

Innovasjon Norge delar kvart år ut bedriftsutviklingsprisen i landbruket på oppdrag frå Landbruks- og matdepartementet. Det er ein bedrifts- og næringsutviklingspris for dei som har etablert en vellukka bedrift eller næring med basis i bygdenes og landbrukets ressursar. Kvart år blir det kåra ein vinnar i kvart fylke som får 50 000 kroner. Dei fylkesvise vinnarane kjempar deretter om den nasjonale prisen på 250 000 kroner. Her kan du sjå dei regionale prisvinnarane.